Torta exprés para mama.

Tarta exprés para Mama.

O outro día xa contei que estamos en obras, tremendo , creo que esta semana por fin… se van…teremos que cruzar os dedos.

O sábado miña nai empeñouse en celebrar o seu aniversario en contra de todos que preferiamos ir o domingo tranquilamente cos nenos e demais , ese mesmo día eu tiña que ir pagar a factura da pintura da fachada de casa e foi tan elevada que me collín un cabreo monumental( Estas cousas pasan por non contratar orzamentos pechados.. , xa o sei…)…

Así que o saír da tenda funme dereita a casa sen pasar pola pastelería nin nada de nada…cando cheguei a casa tiven que escoitar os reproches do meu marido por non terlle preparado nada a miña nai…pufff realmente non se pode ser tan mala filla…

Así que remexendo nas miñas cousas de pastelería atopei un preparado para biscoito de Mary lee que mercara nunha das miñas visitas ó Corte inglés e que esperaba o seu momento , así que nin corta nin perezosa engadín auga e xa estaba unha masa perfecta que introducín nun molde para biscoito , mentres se facía o cake , abrín a neveira por sorte tamén tiña dous paquetes de queixo crema para facer unha especie de frosting , así que púxenme mans a obra e fixen un frosting de queixo.. e unha vez frío o Cake decidín probar a decoralo como un que lle vira a Alma no seu marabilloso blogue, como o meu cake tiña un buraco no medio , mirei para un lado e atopei unha das velas rosa que mercara en Ikea para o cumple de Icía , e ala .. nin corta nin perezosa , planteilla a torta … e conseguin sen querer que semellara un fermoso centro de mesa de rosas.. engadinlle purpurina comestible e listo…

Todo isto nunha escasamente nunha hora…para que logo digan que non serven de nada os preparados…

Foi xenial… de sabor riquisimo…pero bueno prefiro o tradicional.

Ingredientes.

1 paquete de Mary Lee de Chocolate ,seguir as instrucción do paquete.
2 paquetes de queixo crema
200 gr de azucar en polvo.

Pionono de atún , xamón e queixo.

Estamos en Obras, xa sei que ultimamente non fago máis que por escusas , pero non me digades que as obras en casa non son un autentico engorro , creo que non hai nada peor que as obras.. polo menos para min … caixas que se amontoan de un lado a outro e obreiros que parece que se queren quedar a vivir….

Por outro lado esta a rematar o curso , os nenos están cansos e para que mentir eu tamén…e enrriba esta este tempo que me descontrola o sistema inmunolóxico , porque un día fai calor e outro un frío abafante.. pero aquí estamos FELICES!! Que é o que realmente importa.. recuperando as ganas por cociñar… a receita de hoxe é un Pionono.

O pionono en algúns lugares de América latina principalmente Arxentina é unha masa de Biscoito enrolado rechea de doce de leite ou de algo salgado ó modo no que nos facemos o Brazo de Xitano.

Na miña voda había Pionono entre os aperitivos.. sempre que o cociño lémbrome dese dia .. unha especie de “Anclaxe” , os anclaxes son  asociación automática entre un estimulo e unha resposta emocional que indiscutiblemente trae consigo felicidade.

Teño unha amiga a que lle encanta, cociñei este para ela… creo que facer “Anclaxes “ coa comida é marabilloso.. todos recordamos un sabor de cando eramos nenos ou un olor como símbolo da nosa infancia ou adolescencia.

O outro día dicíame unha amiga que se pasara catro anos de internado ceando sopa e que agora sería imposible para ela vivir sen sopa.. . eu teño tan anclado en min o olor do café con leite quentado na mesma pota que cada vez que alguén o prepara así levame de novo á casa onde xogaba de nena co meu amigo Fer e as merendas que preparaba a súa nai de tostadas de pan con Tulipan e azucar…

Pionono

Modo de facer.

Para 8 persoas

Ingredientes:

- 5 cucharadas de fariña

- 5 cucharada de azucre

- 5 ovos

- 1 de raidura de limón

- 8 lonchas de queixo

-  8 lonchas de xamón cocido

-1 lata de atún.

-1 bote de maionesa.

Preparación:

- Bater as xemas co azucre ata que estean espumosos.Bater as clara a punto de neve.  Engadir as craras. Facendo suaves movementos envolventes e sen bater, agregar a fariña. Forra unha placa para pionono con papel manteiga engrasado e enfariñado. Levar a forno moderado (350ºF ó 175ºC) de 12 a 14 minutos. Desmoldar sobre un pano humido e enrrollar sobre si mesmo, estando aínda quente, mantelo así durante un anaco. Deixar arrefriar e untar con maionesa ,cubrir co queixo o xamón cocido e o atún con maionesa . Volver enrolar e cubrir con maionesa e decorar ó gusto.

Tarta hello kitty fondant , para Icía.

Este fin de semana a miña pequena cumpleu dous aniños , o ano para o seu cumple fixen a miña primeira tarta de fondant , moi rudimentaria pero bonita , unha declaración de intencións  máis ben…

Estes días nos que tiña unha clara diverxencia coa cociña , días na que outro eu ocupaba o meu tempo, un tempo máis alonxado do ámbito privado , para ser máis publica, algo agonico que me xenera un estrés camuflado e unha clara angustia vital, tanto ,que non sei si merece a pena pero bueno ese tempo xa pasou e cando unha campaña electoral remata semella que fai moito, moito tempo que o fixo…

Despois destes días tolos non quería nin achegarme pola cociña,.

Eu son das que pensa , das que sinte , que para cociñar hai que estar plenamente reconciliada con unha mesma, non ter dobreces , resquemores , dúbidas,hai que ter fe… alegria… esperanzas….

Hai que desexar amar os que van probar o que cociñas e hai que ter tempo para sentarte a saborear…

O cumpre de Icía , reconcilioume coa cociña coas rutinas e co amor… volveume a ilusionar a decoración , os preparativos , o menú , volvín a traballar na cea en todos os pequenos detalle para que os convidados esten cómodos, finalmente foi un éxito… encantoulles todo , porque claro a Bebe ten dous anos e os convidados non eran nenos nin moito menos….aínda que había algún peque , dous ,para ser exactos que foron os outros protagonistas e quedaron encantados.

RECEITA

A receita e o modo de facer  tomeino prestado de Alma de Objetivo cupcakeperfecto.

Bizcoito de vainilla. Receita da Primrose Bakery

    225g de manteiga

    225g de azucre

    210g de fariña con levadura para biscoitos

    25g de maizena

    4 ovos

    1 cucharadita de extracto de vainilla

    3 cucharadas de leite semidesnatada

   3 paquetiños de galletas oreo bañadas ó chocolate.

Precalentamos o forno a 180º e engrasamos o molde que vaiamos usar (con estas cantidades, énchense dúas moldes redondos de 20cm de diámetro).

Mesturamos manteiga, azucre, fariña, maizena e fermento químico coa batidora. Engadimos a continuación o resto de ingredientes e batemos ata que estean mesturados.

Non sobrebatir, xa que fará que os bizcoitos queden demasiado compactos.

Repartir a mestura entre os moldes e fornear  25 minutos ou ata que un escarvadentes salga limpo. Deixar 10 minutos nos moldes e despois desmoldar sobre unha rexilla.

Seguín os seus pasos o pe da letra pero engadinlle tres paquetiños de oreo bañadas ó chocolate, unhas nove galletas  e o resultado foi impresionante , un bizcoito compacto e xugoso cos topezóns de  oreo e o chocolate.. ummmmm ! Unha delicia….

Os biscoitos estan recheos de fresas con nata , nun guiños ós peques da casa  e recubertos dunha capa de chocolate que despois de estendido deixei enfriar na neveira antes de colocar o fondant, seguindo as instrucións de Alma a perfección.

O resultado podedes velo nas fotos , non é perfecto, as fotos tampouco son moi boas , pero creo que vou mellorando.

Definitivamente volvin…. Unha alegría.

Victoria sponge cake para mama

Ando estos días moi liada con mil cousas sen poder adicar tempo a cociñar nin a facer nada,

 Sei que deberia comprometerme máis co Blogue , pero cando hai unha obriga deixa de ser unha paixón, teño moitas fotos de moitas receitas que teño preparado este tempo, pero apenas podo escribir, hoxe estou mortalmente cansa , pero preciso manter a cabeza ocupada en algo agradable.

Maio é un mes complicado, moito traballo e este tempo agotador con moita calor , de súpeto chuvia e logo frío , todo no mesmo dia, así a miña garganta hipersensible ós cambios bruscos de temperaturas non me da tregua, día si día non con infección.

Despois de moitos anos , non celebrei o meu aniversario, non por vanidade , nin por ganas senon por falla de tempo para preparar un xantar e unha torta.

Así que aprobeitei o día da nai para calebrar ambas cousas cunha comida familiar con todas as miñas “mamas”.

En Semana Santa estivemos en Porto uns días nun sitio marabilloso a carón do mar , onde a pesar do malisimo tempo puidemos disfrutar da terraza e das vistas estupendas a un océano atlántico embrabecizo.

Sempre que visitamos Portugal , aprobeitamos para comer estupendos arroces , pratos incribles de carne e polo a brasa , marabillosos pratos de bacalao e impresionante repostería.

A Gastronomía Portuguesa é unha delicia , coidada, ben elaborada e exquisita, temén teño que dicir e falar da extraordinaria amabilidade das persoas que traballan en hostalería que te fan sentir como si estiveras en casa.

En Porto , pasámolo estupendo aproveitei para camiñar e disfrutar en familia, foi moi divertido.

Os Portugueses camiñan a outro ritmo asi que o sabado visitamos pasgelpan e ali xa foi a debacle .. merquei de todo ….

En fin .. cousas que xa iredes vendo estos días.. que por fin volto a escribir…

A torta e un Victoria sponge cake normal.. e o fondat é mercado no pasgelpan.. espero que vos guste.

Quiche Mar e Monte

Estou escoitando un disco marabilloso que se chama Nordestinas do Músico de Jazz Ave Rábade e as voces Impresionantes de Ugia Pedreira e Guadi Galego, unha música inspiradora  , coma estes días cheos de luz.

Teño moitísimo traballo pero estes días que o meu marido traballa e quenda de tarde e chega a casa a noite para cear, apetéceme prepararlle algo rico , fermoso como un agasallo e deixarllo na cociña aínda chea de “olores” sei que lle encanta , aínda que rosme porque “Non pode comer tanto para cear” sempre é así…

Quero aproveitar para mandarlle ánimos a Tito , esperando que todo este ben….

Eu son de Shakira e creo firmemente en que cando menos o esperas saia o sol, por iso creo que non debemos desesperar que sempre hai unha luz ó final do túnel , aínda que sexa moi difícil atopala.

Este Quiche foi feito en realidade para estrear un porta tortas incrible que atopei hoxe de casualidade  e claro como son moi moi difíciles de atopar non podía deixalo quedar alí, así que se veu comigo a casa e aquí esta co meu quiche “Mar e Monte” o meu modo de ver riquísimo , déixovos a receita …

Ingredientes:
-Pasta brisa ou Masa follada.
-Champiñons ou outros cogomelos
-Pemento de piquillo en tiras.
-Gambas peladas.
Surimi de caranguexo
-2 ovos.
-200 gr de nata liquida.
-Queixo parmesano
-Sal e un chisco de pementa negra.

Modo de facer

1-Collemos unha prancha de masa follada (hoxaldre)  ou de masa brisee , como prefirades  e colocádela nun molde previamente engrasado e pinchádela con un garfo.
2- Introducídela no forno previamente requentado uns 8 min ata que colla algo de cor.
3- Nun bol introducimos a nata , os ovos batidos e o queixo o sal e a pementa negra e batemos para misturar ben.
4- Noutra fonte colocamos o resto dos ingredientes que cortaremos todos no mesmo tamaño , introducirémolos no forno uns 7 minutos.
5- A Continuación vertemos a mistura de ovos , nata e queixo sobre a torta e  metémolo a fogo medio uns 25 min e a comer … é deliciosa de verdade.

Charlotte de chocolate e café

O tempo pasa inexorablemente  e sen saber como atopamonos fronte a unha nova perspectiva do presente como si en realidade o transcorrido fose un instante aínda que saibamos  que non foi así , que pasaron moitos días e moitas horas, isto é o que acontece cando un medra cando un se fai adulto e esperta un día anguriado coas responsabidades e o reloxo.

Isto é o que pasa a min , que en pouco tempo segundo  eu , pasei de ter todo o tempo do mundo e facer mil cousas, a ter dous enanos, un emprego, actividade social,compromisos miles e un blogue…

Ser mama mellórame como persoa , diso estou plenamente convencida , faime máis forte , menos dúctil como si nada puidese facerme maleable , como si xa chegase a un fin…

A un digo… porque creo que hai moitos fins e a min aínda me quedan moitos círculos por pechar…ver medrar ós meus fillos , facer deles persoas marabillosas , proporcionarlles liberdade e forza para manterse e ser felices…

Unha das cousas que máis me gusta no mundo é cociñar cos meus nenos, coa pequena fixemos rosquillas o outro día e co maior habitualmente é o meu “Axudante pastelero” como el se define a si mesmo, un luxo…

Esta Charlotte de chocolate e café fixemola para papa, é un dos seús postres favoritos…sempre que queremos algo de papa sobornamolo con un postre exquisito e gañamos bicos e gormittis , agora deixoa aquí para vos… despois de vela no blogue marabilloso de “Sabor a canela”

Ingredientes:

- 300 grs de bizcoitos de soletilla.

- 75 grs de manteiga.

- 75 grs de ázucar.

- 1/4 lt de Kirsch.

-200 gramos de nata montada.

- 4 ovos.

- 2 cucharaditas de Nescafé.

- 1 tableta de chocolate extrafino.

Modo de facer

1.       Derretir o chocolate ao baño maría , coa manteiga e a metade do kirsch.

2.       Traballar as xemas co ázucar ata que estean cremosas.

3.       Engadir o Nescafé e o chocolate fundido, mesturándoo todo moi ben.

4.       Incorporar as claras, que montariamos a punto de neve.

5.       Engadir esta mestura a nata montada.

6.       Mesturar o resto de kirsch con 1/2 vaso de auga, bañar os bizcoitos con esta mestura e forrar con eles un molde redondo.

 Enchelo de capas alternadas de crema e bizcoitos, cubrir con chocolate rallado e deixalo no refrixerador até o momento de desmoldarlo e servir.

Mini Banoffe pie

Estes dias estiven superliada co traballo e coa nena que se puxo maliña.. e enriba volveu a choiva para recordarnos que ata o 40 de Maio non te quites o saio. Na cociña tirei de conxelador e de potaxes , que con este frío non van mal e de postres nada… busquei en varios sitios unha barra de turrón blando desesperadamente e acabei mercando de todo menos iso… cobertura de chocolate de doctor oetker., marmelada de figo para facer a ensalada de Tito que tal e como el explica no seu Blogue alí estaba esperándome no super do corte Inglés.. en fin que vou contar ,cápsulas para muffins etc etc….   Hoxe creo que vou comezar unha categoría nova que xa vin noutros blogues “Tortas con nome” non sei se é propio pero é así… Teño un amigo escritor , xornalista , co que o outro dia tiven unha conversa moi interesante sobre a maneira en que os seres humanos “Etiquetamos” somos isto ou o outro….el definíase como un “ninguén” o que eu respondinlle que para un “ninguén” eu tiña ” nada” , creo que non lle fixo moita gracia a miña conclusión… a aínda que este de acordo con el no fondo creo que as etiquetas dan seguridade , por iso a xente recorre a elas , como un salvavidas,, como un paraugas , eu son isto ou o outro… gústame isto ou o outro … sempre marcando unha liña… non sei… quizais Diego teña razón….

Esta Mini banoffee pie é para dúas persoas desas que a vida che regala de vez en cando.. dúas amigas novas que coñezo dende aí pouco e coas que habituralmente tomo café, quizais ,sen nada máis en común que a etiqueta de Mulleres con idades similares e fillos, este Banoffee tamén é peculiar como a miña amizade con elas que comezou sendo eu a orientadora laboral de cada unha por separado..e aínda non sei cando se encontraron e me involucraron nesta historia de amizade cruzada  o caso é que o Banoffee é para o café da mañan…

  Modo de Facer… 
Xa dixen que o meu Banoffee era peculiar … Mini en todo caso….

Ingredientes: 
1 plancha de hoxaldre do lidl
1 bote de doce de leite. 2 plátanos maduros 
1 bote de 200 ml de nata liquida para montar.
Canela , fresas e virutas de chocolate. 

Modo de facer…  

1-    Cortar a masa de hoxaldre cun corta pastas e introducila no forno , 20 min a 200 gd pinchada un pouquiño cun garfo.
2-    Unha vez este fría untar as tortiñas de hoxaldre con doce de leite.
3-    Colocar o plátano en rodaxas finas enriba
4-    Montar a nata a punto de neve e colocala enriba do plátano decorar ó gusto.

  Din que a Banoffe era a tota favorita da Princesa Diana de Gales….e non me extraña porque son unha autentica delicia…. Non saberla como describilo pero san doados de facer e taaaaaaaaaaaaaaaaaaaaaaaaaaan ricos……