Torta de puerros e panceta con queixo ás finas hervas...

Saíu o sol … hoxe fixo un dia radiante e como di un neno que coñezo parezo Martín, dando o tempo, por certo que guapo é o noso Martín e que ben o fai…

Levo uns días co blog e estou supercontenta , xa non tanto co tema do idioma , google non o recoñece como valido, pero afirma estar traballando niso , a ver si é verdade.. . mentres seguiremos resistindo  , tamén todo ten un pouco que ver con que aínda non me manexo moito co bloguer…

Espero aprender rápido…

É incríbel como pequenas cousas inflúen de xeito determinante no noso estado de ánimo , onte  comecei a reler un libro , que fai anos que lin , Afrodita de Isabel Allende .
Afrodita foi o rexurdir de Isabel despois da perda da súa filla Paula, creo sinceramente que as paxinas de ese libro irradian enerxía , bo humor e porque non, felicidade…,creo que retomarei  tamén algunha das receitas do libro para o Blog e para a vida porque quen pode resistirse a un pouco de picante….

A receita de hoxe prepareina onte para o xantar de hoxe , resulta marabillosa e exquisita de un dia para outro , ademais ,creo que é elegante, e porque non sofisticada e aínda enriba esta riquísima…A pesar de que esta receita se cociñara debese a algo máis profano , debese a unha panceta marabillosa que descubrín mentres facía cola na charcutería do super e que me dicía "lévame para a casa.." total que pedín 200gr de algo que non sabia para que utilizar, pero iso penseino na casa .. gracias a ela agora teño un montón de receitas exquisitas que a necesitan .. as veces a vida é así non credes…?

Ingredientes:

-Pasta brisa ou Masa follada.

-Puerros limpos.

-Tiras de bacon ou panceta cortados moi finos.

-2 ovos.

-200 gr de nata liquida.

-100g de queixo crema ás finas hervas.

-Sal e un chisco de pementa negra.

1-Collemos unha plancha de masa follada (hoxaldre)  ou de masa brisee , como prefirades  e colocadela nun molde previamente engrasado e pinchadela con un tenedor.

2- Introducídela no forno previamente prequentado uns 8 min ata que colla algo de cor.

3- Nun bol introducimos a nata , os ovos batidos e o queixo o sal e a pementa negra e batemos para misturar ben.

4- Noutra fonte colocamos os puerros que cortaremos todos no mesmo tamaño , introducirémolos no forno uns 7 minutos.

5-Enrrollamos a panceta e cortamos os ruliños pola metade do mesmo tamaño que os puerros …

6- A Continuación montamos a torta colocando os anaquiños de puerro e os anaquiños de bacon e vertemos a mistura de ovos , nata e queixo sobre os puerros e metémolo a fogo medio uns 25 min e a comer … é deliciosa de verdade.

Red Velvet cupcakes...

Hoxe fai un deses dias tan do norte , grises , cunha luz case violeta que si respiras profundamente incluso podes descubrir ese cheiro tan marabilloso a fogar…

Nembargantes os luns son un comezo , o primeiro día da semana e por suposto o dia en que na neveira hai restos dos doces que se cociñan no tempo de lecer …

Esta fin de semana fixo un tempo horrible pero o sábado pola maña dia en que aproveito  para ir ó mercado  , saíu un sol resplandecente e fixo se cabe máis bonita esta cidade do que é , se iso é posible.

Algún dia adicarei un post a un local onde os sábados pola maña , como un ritual , acudo a tomar un pincho de croqueta de bacallau ¡algo sublime! Que alegra calquer dia por frío que sexa…ó igual que un Cupkake.

Os cupecake son como un agasallo marabilloso que pode ser de calquer cousa pero que sabes será difícil que non sexa perfecto , xusto o que precisas nese momento para volver sorrir…

Descubrín os Cupcakes con Carrie como non…e depois con Bea  ,atopan un oco na miña vida culinaria.

Este fin de semana cociñei uns Red velvet cupcakes coa receita de Bea  aproveitando as fresas que comezan a aparecer en todas as tendas de froita e que por fin podía cociñar un doce especifico que con solo velo recorda a San Valentín.

O Amor tamén debe ser celebrado, as veces penso que todo o que cociño o fago por amor, na miña casa unha cea especial é preludio dunha noite especial e un xantar elaborado, dunha tarde estupenda chea de enerxía.
Adoro cociñar para a miña familia e para os meus amigos, case nada, pode facerme máis feliz.

A receita empregada para estes Cupcake é  como xa dixen a de Bea e quedaron-me perfectos .
O meu fillo foi quen me axudou a preparalos e incluso me gustan as súas imperfecións de neo de 6 anos.

INGREDIENTES SECOS:

2 ½ cunca (350 gr) fariña

1 ½ tazas (300 gr) azúcar

1 cucharadiña cacao en polvo

1 cucharadiña  de sal

1 cucharadiña bicarbonato sódico

INGREDIENTES HÚMIDOS:

2 ovos grandes

1 ½ cunca (360 ml.) aceite

1 cunca (240 ml.) buttermilk (suero de leite)

30 ml. colorante alimentario vermello

1 cucharadiña (5 ml.) vinagre blanco

1 cucharadiña (5 ml.) extracto de vainilla

PREPARACIÓN:

Prequentar o forno a 175º

 1 -Nun bol introducir os ingredientes secos e tamizalos

2 – En outro bol mezclar os inredientes humidos.

 3- Incorporar 1/3 dos ingredientes secos sobre os húmidos, e integrar.

4- Ir botando o resto dos ingredientes secos, con movementos envolventes, ata que estean incorporados perfectamente.

 5-Introducir a masa nunha manga pasteleira e rellenar as cápsulas para cupcakes ata cubrir a terceira parte da cápsula.

6 –Introducir no forno 25 min e comprobar que están ben feitos .

*Eu como non teño suficientes moldes emprego moldes desechables de aluminio para introducir as cápsulas no forno .

CREAM CHEESE FROSTING INGREDIENTES:

125 gr. queixo de untar a temperatura ambiente eu empreguei Mascarpone.

140 gr. de mantequilla a temperatura ambiente

1 culler de extracto de vainilla

250 gr. azúcar glass

PREPARACIÓN:

1-Bater durante 1 minuto todos os ingredientes excepto o azúcar glass.

2-Ir engadindo  o azúcar pouco a pouco ata que esté ben incorporado.

FROSTING DE FRESAS CON NATA

200 gr de nata para montar.

150 de azúcar glas.

250 de fresas.

1-Bater a nata ata montar engadidolle o azúcar pouco a pouco.

2-Abrir o cupcake e introdicir anaquiños de presa con un pouco de nata volver a pechar co anaquiño restante e decorar co resto da nata .

Simplemente deliciosos…

Mini charlotte de tiramisú.

Fai tempo que quería escribir un blogue de cociña , deille moitas voltas , non sabia moi ben como comezar e un dia coma hoxe cun frío horrible e un temporal de alerta vermella , decido comezar esta aventura do blog.

Espero que sexa unha aventura longa e gratificante que non podía máis que comezar coa receita do tiramisú, este doce é o favorito do meu amor.. non perde oportunidade de pedirme que llo faga  e eu sempre o utilizo como guinda ás celebracións especiais.

A miña aflición polos blogs de cociña comezou cando estaba grávida de Icía e tiven que estar un tempo na casa, en repouso absoluto, entón engancheime a Bea de El rincón de Bea  ( www.elrincondebea.com)  e as súas galletas decoradas , despois viñeron máis e máis en diferentes idiomas e de diferentes países , entendendo a cociña como un bálsamo para alma .
 Así naceu Icía entre cupcakes e galletas e renaceu en min a paixón de todas as mulleres da miña familia , unha paixón ,supoño lonxana no tempo, que levamos impresa na memoria xenética .
Dende sempre recordo ás mulleres da miña familia a cociñar, dende sempre recordo as celebracións e a festa cunha comida ó fondo, todas elas , por ambos lados, é imposible así que a min non me fascinara a cociña.

Espero poder volcar esa paixón neste blogue e homenaxear así esta herdanza ...

RECEITA

•    250 gr. de queixo Mascarpone

•    300 c.c. de nata montada

•    24 biscoitos de soletilla.

•    150g de azucre.

•    2 ovos.

•    2 cucharadas de café soluble

•    50 c.c. de Kalhua

•    100 gr. de cacao en polvo

Hai centos de receitas de Tiramisú esta é a miña , creo que a comparto con Sofia Loren porque a primeira vez que cociñei un Tiramisú empreguei a receita que esta publicou nun libro das súas memorias con receitas de cociña que garda miña nai, pero eu modifiquina ó meu xeito despois de anos e anos así que esta é a miña.

1-  Bater o queixo mascarpone nun bol coas xemas de ovo e o zucre ata montar.

2-  Bater a nata ata montala que quede lixeiramente dura é dicir que nos permitira “escribir”como di miña nai...

3-  Bater as claras ata punto de neve.

4-  Misturar todo nun bol con movementos envolventes.

5-  Facer un almíbar con, café soluble e Kalhúa , eu teño experimentado con todo Amaretto, Grand manier..ata licor café , eu creo que o mellor é o Kalhúa.

6- Empregar un aro para empratar , recortar os biscoitos para que estes asenten ben e rodear o aro , configurando a charlotte , no fondo empregamos uns biscoitos empapados no almibar e pomoslle unha capa de crema enriba , a continuación outra de biscoitos para rematar cunha capa de crema.

Na foto vemos un aro de empratar moi pequeno, case individial , o certo é que así queda moi coqueto...