Oreo cupcakes

Hoxe estou un pouco tristona a pesar de que me quedan so tres días para coller vacacións , debe ser que a miña costela vai estar fora esta semana, cada vez levo peor estar separados..

Así que teño un pouco melancólico aínda que voltou o sol e tan so debe ser cuestión de saír de aquí para animarme…

A receita de hoxe tíñaa gardada dende fai tempo , fíxenos para Vicki unha compañeira da oficina, que se ia , encantáronlle a todos , iso que os fixen as presas.. . pero levan o toque máxico da purpurina comestible que lle da así como un plus de calidade… preciosos…a receita collina de varios sitios pero as miñas inspiracións foron Alma e Mis galletas y otras cosas e a festa de cumple de Bosco…Un bico para elas… tamén a Neo benvida a Caldebarcos … ufff non sei como puiden resistir sen as túas receitas este tempo…, en fin .. gracias a todos os que me visitan e me comentan.. encantame compartir cociña con todos vos é unha honra

 A receita.

Ingredientes:(para 12 unidades)

Para as cupcakes:

1 iogur natural

1 medida de aceite de girasol

2 medidas de azucre

2 medidas de fariña

1 medida de galletas oreo trituradas ( eu poría 1/2 de fariña e 1/2 de galletas)

3 ovos grandes

Para o frosting:

150 grs de queixo de untar

100 grs de azucre glass

4 galletas oreo trituradas

Para a decoración:

Galletas mini oreo.

Preparación:

Montar os ovos co azucre, ata que dobren o seu volume.

Engadir o iogur e bater.

Engadir a fariña e integrar

Engadir o aceite ( remover suavemente ata que se incorporou)

Engadir as galletas trituradas, suavemente.

Precalentar o forno, e pór a 180º, entre uns 15 ou 20 minutos

Tarta de queixo ó forno.

Quen non ten unha  Carme na familia, eu teño tamén, e hoxe estou a preparar un xantar na súa honra , algo sinxelo , para os da casa, como a ela lle gusta.

Hoxe , neste verán Cantábrico que estamos a ter apetecíame cociñar algo sinxelo, pero con sabor .. non sei como un amago de voltar a infancia, de sentirnos protexidos ...

Esta tarta de hoxe á algo así , sinxelo pero exquisito a esencia da cociña familiar, cun anaco desta tarta é un café parece como si nada malo puidera acontecer...

Esta é un receita de domingo desas que deben acompañarte sempre para recurir a elas cando precisas consolo..

La tensión se aflojó poco a poco. Ella tomó entre sus manos la oscura cabeza de su amigo y lo miró. Sonrieron aliviados, divertidos, temblorosos, seguros de que no intentarían una aventura fugaz porque estaban hechos para compartir la existencia en su totalidad y emprender juntos la audacia de amarse para siempre.
Isabel Allende

Ingredientes:


5 ovos L
250 gr de queixo de untar
200 de nata liquida
200 de creme fraiche ou nata agria
2 iogures naturais , no meu caso iogurt grego.
3 vasos do iogur de azucar
2 vasos de fariña
1 vaso de leite
manteiga para untar o molde.

Modo de facer


Encender o forno 180ºC
Untar o molde coa manteiga
Mesturar todos os ingredientes e bater 
Verter a mestura no molde e deixar por 40 min ou ata que vexamos que esta .

Pizza de leituga.

Pizza de leituga.

Na miña cidade había una franquicia dunha tratoria italio-arxentina  moi coñecida e digo había porque foi un deses negocios que se levou a crise, era un sitio encantador , o que me encantaba ir co meu marido a cear e incluso algún domingo iamos a comer cos nenos e a miña bisavoa que vive con nós.

Pero xa digo que pechou , nese restaurante tiñan unha torta marabillosa a que lle chamaban “Mar de plata”, e que si non fora por este post quizais non viñese a miña memoria consciente pero teño que facerlle un día destes “Mar de plata” a miña costilla , que moitas veces , sobre todo cando estaba embarazada pasaba por “Chicote” para traerme dúas racións ..mmmmummm  son desas cousas pequenas que fan a vida especial…

Neste restaurante coñecín a receita de hoxe  e desde que a probei , cando tiña un apuro pedía que ma trouxeran a casa… ata que un dia pouco antes de pechar , a caixiña da pizza traia unha nota coa receita.. . foi todo un detalle … xa que sin ser moi complicada esta pizza é unha delicia … eu creo que mellorei a receita orixinal coa masa de pizza de Cristina como non… este é o resultado .. as fotos non son moi boas , nin a presencia é a mellor porque na neveira so tiña cogollos de leituga e esta sin duda queda mellor , máis vistosa , cunha fermosa leituga de follas grandes .. pero bueno .. outro día deixovos a receita que para o veran é estupenda…

Ingredientes :

Para a masa:

120ml de auga morna

120ml de leite morno (con 20g de fermento fresco disolta nela)

1 cucharadita de sobremesa de allo

2 cucharaditas de sobremesa de queixo parmesano rallado

2 cucharadas soperas de aceite

1 cucharada de azucre

420g de fariña de forza

Preparación:

Colocamos todos os ingredientes nesta orde na cubeta da panificadora e utilizamos o programa de amasado no meu caso o 7 que dura 15 minutos.

Colocar  a masa nun recipiente untado de aceite e cubrilo con papel film.

Esperar a que dobre o seu volume.

Ingredientes:

Queixo mozzarela

Tiran de bacon ou xamón cocido

Salsa de tomate.

Ourego.

1 iogur natural

4 culleradas de maionesa

1 leituga.

Modo de facer:

Estender a masa da pizza e untar con salsa de tomate , cubrir co bacon ou xamón e o queixo , especiar e meter no forno ata que este feito .

En un bol mezclar o iogur  e a maionesa , introducir as follas de leituga lavadas , e impregnalas da salsa , cando a pizza este feita e antes  de servir colocamos o manto de leituga sobre a pizza o dito é unha delicia.

Tarta de Piruleta

A miña tarta piruleta.

O sábado tivemos outra das moitas sesión veraniegas de ceas que duran ata o día e festa  porque si…

Celebrabamos que por separado e en tres equipos distintos non presentamos a un concurso de .. non sei como chamalo… “Coches adornados” para a caravana de San Cristovo do meu pobo… foi unha risa porque como chovía , os nosos coches foron os únicos concursantes e como consecuencia os tres premios foron nosos  , pero isto non o sabiamos cando quedamos para celebrar…

A min sempre me encargan da sobremesa aínda que esta vez tiña unha dura competencia cos pasteliños da Pasteleira Pondal de Pontevedra que son unha delicia e veñen presentados nunha caixiña preciosa …

Así que puxenme mans a obra, casualmente visitei un dos Carrefour da miña cidade e como non tiñan o licor de piruleta presenteime no outro e tampouco… xa dixera Tito… que estaban agotados…pero como son unha muller perseverante eu non me ia quedar sen facerlles a torta de piruletas..

Así que como non atopei o licor ansiado  empreguei a imaxinación, tiña un botiño de esencia de fresa que mercara cando estivera en Porto e teño un ron antigo que gardo como ouro en pano e misturei o ron cunha gora de esencia .. . máis- menos licor de piruleta… a tora fixena seguindo as instruccións de Cristina e a presentación fixena tipo Charlotte que lles gusta moito e teño que dicir que foi un éxito de sabor .. non hai palabras simplemente MA RA BI LLO SA é como comer … non sei…. Anaquiños de fresa con sabor a piruleta.. recomendoa!!!

Ingredientes:

5 follas de gelatina (2g cada folla)

1 iogur grego

1 1/2 iogur de azucre (tomaremos como medida o bote de iogur)

5 piruletas (máis as necesarias para decorar)

50ml de auga

30ml de licor de piruleta no meu caso ron con unhas gotas de esencia de fresa

350g de nata para montar (35% materia graxa)

100g de galletas

50g de manteiga derretida

Un paquete de biscoitos de soletilla.

Preparación:

Pomos as follas de gelatina a hidratar en auga fría. Reservamos.

Trituramos as galletas, mesturámolas coa manteiga derrida formando unha pasta e colocámola de base dun molde desmontable , Pomos a auga nun cazo ao lume e derretimos as piruletas. Unha vez derretidas, retiramos do lume e engadimos a xelatina previamente escurrida e removemos até a súa completa disolución...Mesturamos o iogur co azucre e o licor de piruleta e engadímoslle a mestura de xelatina.

 Removemos ben...Montamos a nata e mesturámola con movementos envolventes co iogur e a xelatina.  Dispomos os biscoitos de solettilla formando unha coroa a redor do molde Envorcamos a crema resultante sobre a base de galletas...Levamos ao frigorífico preferiblemente dun día para outro ou até callar. Desmoldar e decorar con piruletas ou ao gusto.

Brioche con anaquiños de chocolate

Hoxe fai un dia raro deses que nin chove nin deixa.. pero son os mellores días para cociñar cos nenos.. deses días de tardes longuísimas que ben poden rematar cunha taza de chocolate quente e un bo brioche, que é precisamente a receita de hoxe…

Eu non imaxinaba que se podía facer pan na casa, para min o tema de facer pan levábame a cando na casa se cocía , cousa por outra parte que eu nunca vin , a pesar de que tiñamos forno…,forno de leña. Eu teño un leve recordo de cando miña avoa de Coruña cociñaba as empanadas para a festa despois de cocer o pan, pero nada máis… ata que descubrín a Cristina e ela me descubriu un aparatiño chulisimo que se chama panificadora.

Teño que recoñecer que eu non a emprego moito para cocer o pan ,pero si para amasar  , e agora non sabería vivir sen ela , é unha desas cousas que unha vez descubertas fanse imprescindibles.

Dende que a teño , xa non sei cantas cousas teño feito na panificadora , dende masa de pizza ata a Rosca de Reis, pasando pola masa de empanada , algo que fai feliz a miña avoa a que antes nunca lle cociñaba empanada porque me daba pereza absoluta facer a masa.

O brioche de hoxe é unha especie de rollo de canela , sen canela, a min a canela se non é con mazá non me encanta, por iso preferín facelo con anaquiños de chocolate, teño que dicir que empreguei un chocolate artesán que me regalaron “Chocolate artesán do Castela de Vilasobroso” con un alto índice de cacao puro , unha delicia …. Creo que non hai nada mellor para un día coma hoxe…

Ingredientes:

350g de fariña

120g de auga

60g de azucre

40g de leite

1/2 cucharadita de sal

1 ovo

40g de manteiga a temperatura ambiente

1 sobre de fermento seco

Para o recheo:

Manteiga

Anaquiños de Chocolate

azucre

Preparación:

Eu fíxeno na panificadora e como sempre, primeiro os líquidos e logo os sólidos. Empregar o  programa de amasado que dura 15 minutos. Unha vez formada a masa deixámola levar ata que aumente o dobre o seu volume. A amasamos suavemente para desgasificarla e estirámola (sen deixala moi fina, un centímetro de espesor máis ou menos) en forma de rectángulo, botámoslle o chocolate   e azucre e colocámoslle uns anaquiños de manteiga enrriba. Enrolámola como para un brazo de xitano e cortámolo en anacos un pouco gordiños que colocaremos no molde escollido e que deixaremos levar de novo. Introducimos ao forno a 170ºC uns 15 minutos ata que estea doradiño. Retiramos e deixamos arrefriar.